Posts in "thought"

24. September 2016

စကား

မြန်မာစကားတော့ မြန်မာတိုင်းနားလည်ကြတာပါပဲ။ ဒါပေမယ့် ပြောချင်သလိုပြော နားလည်ချင်သလို နားလည်ကြတာ။ ပြောတဲ့သူကလည်း တစ်ဖက်သူ နားလည်အောင် စီကာပတ်ကုံးပြောတတ်ဦးမှ။ နားထောင်တဲ့သူကလည်း ပြောတဲ့သူ ဘာကိုဆိုလိုချင်နေတာလဲ ဆိုတာကို အဓိပ္ပာယ်ကောက်တတ်ဦးမှ။ အဲလို နှစ်ဦးနှစ်ဖက် အဆင်ပြေမှ ခရီးရောက်တာ။ မဟုတ်လို့ကတော့ အလကားပဲ။ လေကုန် နားညည်းတာပဲ အဖတ်တင်တာ။ အဲလို လေကုန် နားညည်းရုံတင်ဆို တော်သေးတယ်။ အခန့်မသင့်ရင် ရန်ပါထဖြစ်နိုင်တဲ့ အခြေအနေအထိရှိတယ်။

[...]

08. March 2016

အစ

ဘယ်အရာမဆို “အစ” က အရေးကြီးသည်။ “အစကောင်းမှ အနှောင်းသေချာ” တဲ့။ “အစကတည်း ယဉ်သကို” ဖြစ်နေလို့ကတော့ အဆုံးက လှမည်မထင်။ ထို့ကြောင့် မစခင်တည်းက သေချာပြင်ဆင်ဖို့ လိုပေလိမ့်မည်။ ဖြစ်သလိုနဲ့ပဲ စခဲ့ပြီး တကယ်တမ်း မဖြစ်တော့မှ တို့လို့တန်းလန်းတွေနဲ့ မဆုံးခဲ့တာတွေလည်း ဒုနဲ့ဒေး။ ဖြစ်သလိုပဲ အဆုံးသတ် ခဲ့ရတာတွေကလည်း မနည်းမနော။ အဆုံးသတ်ဖို့အရေး အစကို ပြန်ရှာမရ တော့တာတွေကလည်း တပုံတပင်။ သေချာတာကတော့ အဲဒါ အစမကောင်းခဲ့လို့ .. ။

[...]